الطيرة: سيدة طيراوية تنتقد الشؤون الاجتماعية بسبب حرمان أبنائها من حقوقهم ومن بينهم طفل من ذوي الاحتياجات الخاصة
وصلت إلى موقع هيلا رسالة من سيدة طيراوية، جاء فيها: " بالنسبة للشؤون الإجتماعية في الطيرة، انا ام لثلاثة ابناء، ومن بينهم ابن احتياجات خاصة. اتوجهت للشؤون وحكيت مع المسؤولات عن ملف الأولاد عدة مرات وطالبت بحقوقهم مثل دورات ومنحة وتخفيضات تعليمية وكل مستحقات الأولاد مثل غيرهم، كل الي عملته اني طالبت بحقوقهم، ومع كل اسف ما في اي تجاوب وما بعنيهم بتوجهي.
ما ظل قدامي حل غير اني اتوجه للصحافة، لانه الشؤون الهم ناس وناس، ومرات بسمع انهم بعطوا ناس مساعدات مش بحاجة الها، اما الناس الي بحاجة قسم كيير منهم ما بطلعهم... انا تواصلت معك انت اول واحد قلبي، موجعني على اولادي لانهم مش مخدين كامل حقوقهم ، قديش الواحد ممكن يسكت، والله انا ما طالبت اشي غصب او بالقوة، بل حقوق الي هي لمثل حالتي، وما حدا دافع اشي من جيبتوا، بل هاي ميزانية توصل من الوزارة المسؤولة، والمفروض يكون عدل بهاي الخطوة، ومش يكون توجهي مجرد حبر على ورق".
